તો એ તું છે
કંઇક જિંદગીમાં જો ખૂટે, તો એ તું છે,
જેના વગર ભીતરમાં કંઈક તૂટે, તો એ તું છે.
મળી જાય છે લોકો હજાર રસ્તામાં,
નથી મળ્યું જે પામવું હતું તે, તો એ તું છે.
અજીબ ઉલ્ઝાનોમાં રાત વીતે છે,
આંખોમાં આસું બની વછૂટે, તો એ તું છે.
કામમાં પરોવી ખુદને મનાવું છું,
તોય જેની યાદ મને લૂંટે, તો એ તું છે.
હસતાં ચહેરાની ખુશી જાણી સૌએ,
એકલતા મનમાં જે ઘૂટે, તો એ તું છે.
છોડી જવાની આદત ન છૂટી તારાથી,
છેલ્લો શ્વાસ જેનાથી ન રૂઠે, તો એ તું છે.
- Rutvik Kuhad 'RK'
*******************************