ચાલને સખી
ચાલને સખી
ચાલને સખી ફળિયા ને શાળામાં વિતાવેલ બાળપણની યાદોને તાજી કરી જીવી લઈએ .
તું ખિસ્સાં લાવજે ચોખા, હું લાવીશ વટાણા ,ચાલને સખી બાળપણ જીવી લઈએ.
તું અને હું વડલાની નીચે સંતાકૂકડી રમતા ,ત્યાં ચાલને સખી ફરી રમી લઈએ .
જાગરણના દીને ફળિયામાં મસ્તી કરતા, ચાલને સખી થોડીક મસ્તી કરી લઈએ
કેવા બળદગાડામાં બેસી ખેતર જઈને બોર ખાતા, ચાલને સખી ફરી બોર ખાઈ લઈએ.
કરવી એ બાળપણની વાતો ને યાદો સખી તું છે દૂર, આવને સખી મુલાકાત કરી લઈએ .
ભાનુબેન બી પ્રજાપતિ "સરિતા"
