“મારામાં હું”
“મારામાં હું”
મારી પાક્કી સહેલી છે તું,
મારી અંદર ફરતી પહેલી છે તું.
તું જ મને અંદર બહારથી જાણે છે,
મારામાં જ ગુપ્તપણે રહેલી છે તું.
ભૂલ કરું કોઈ વેળા તો સંભાળી લેતી,
મૌનમાં જ મને જન્મજાત વરેલી છે તું.
એકાંતમાં પેટ ઠાલવી વાતોં કરવી ગમે,
એવી મારામાં અદૃશ્ય ઢળેલી છે તું.
હા! નથી ઓળખતું આ વિશાળ જગત તને,
‘ઝરણાં’ પરછાઈની સાથે આતમમાં મળેલી છે તું.
કે મારી પાક્કી સહેલી છે તું,
મારી અંદર ફરતી પહેલી છે તું.