નફરતની આંધી
ગઝલ
નફરતની આંધી
મેં તમારી સાથે ખોટી કોઈ ચર્ચા ક્યાં કરી છે ?
કે તમારી આંખમાં નફરતની આંધી ફરફરી છે ?
કોક માટે એ બહુ ઝાઝું અને સૌથી વધુ છે,
આપને માટે જે બહુ થોડું, જરીમાં પણ જરી છે.
કોક અણજાણ્યા સ્થળે સાવ જ અચાનક જાય અટકી,
આપણે ક્યાં એટલી નબળી સફર આ આદરી છે ?
લાગે છે કે દૂર કે નજદીક કૈ હુમલો થયો છે,
કે પછી શું આપણા પાપે આ ધરતી થરથરી છે ?
ઓમગુરુ આંખ સાથે કાન પણ ખુલ્લા હતા પણ,
આ અધૂરી સમજણે મારી દશાને છેતરી છે.
- ૐ ગુરુ
