“મારામાં જ હું”
જાતથી વેગળા જઈને જ જાતને મળી શકાય,
આ ખચોખચ જગતમાં એકાંતને મળી શકાય!
નીરસ લાગતું હો ભલે આ આખુંય જગત તમને,
મન મંદિરમાં અમન સ્થાપી ખુદમાં ભળી શકાય!
પ્રીતી, પ્રકૃત્તિ ને પ્રવુત્તિ છે ત્રણેય ભોગ્યાતિપ્રિય,
માણતાં, મહાલતાં ને જાણતાં એમાં ઢળી શકાય!
મને રંજ નથી એ વાતનો કે ન જાણી શકાયું એ,
બસ, જાણી શકાયું છે એવો ભ્રમ તો ઘળી શકાય!
રાખ વાત બંધ, મૌનમાં જ મજા છે મારા દોસ્ત,
બાંધી મુઠ્ઠીને આમ પળભરમાં જ ના તોળી શકાય!
પ્રિય, લાવ હાથમાં હાથ તારો ને લંબાવ સાથ આપણો,
‘ઝરણાં’ જાત અળગી કરીને જ સંબંધને ઘોળી શકાય!
