माझी माय मराठी
*माझी मराठी माय*
जन्मताच घेतलेस जवळ मला
विसरेन तुला मी काय ?
मी लेकरु तुझे ग तान्हे
*तू माझी मराठी माय* .....
आक्रमणे कितीदा झाली
भाषेची वारंवार
परभाषेच्या शब्दांनी
किती केले तुजवर वार
कुशीत तुझ्या शिरुनी वाटते
रडावे मोकलून धाय
मी लेकरु तुझे ग तान्हे
*तू माझी मराठी माय.*....
वेचीन काटेकुटे येथले
आसमंत होईल ताजा
शब्दसुमनांनी आई गे
मग बांधीन तुझी पुजा
जपेन तुला जीवापाड मी
जशी दुधावरची साय
मी लेकरु तुझे ग तान्हे
*तू माझी मराठी माय*.....
अरविंद कुलकर्णी , पिंपरखेड कर, पुणे
दिनांक २७/०२/२०२२
मराठी राजभाषा दिन