મણિકર્ણિકા ઘાટે
પુરી થયી એક વાર્તા મણિકર્ણિકા ઘાટે
એક હતો જીવ ,
પામવા જઈ રહ્યો છે શિવ ..
આ મણિકર્ણિકા ઘાટે !
વાર્તા તો રહી અધૂરી એમ તો ,
દેહયાત્રા બસ વિસામા ની વાટે ..
આ મણિકર્ણિકા ઘાટે !
ભભૂકતી ચિતા , શ્વાન રુદન
ચંદ્રમા ચમકે આકાશે ,
ગંગામૈયા વહે યુગો થી ,
સાક્ષીભાવે પગથારે ..
આ મણિકર્ણિકા ઘાટે !
મુક્ત થયા બંધનો સઘળા ,
આતમ પંખી તું કર્મ પોટલી ના સહારે ,
કાલે ઉગશે આદિત્ય ફરી ,
મ્હોરી ઉઠશે પ્રકૃતિ ,
પખાળશે ગંગા ફરી કોઈ રાખ ને...
આ મણિકર્ણિકા ઘાટે ......