ચેતી જજો..
કારખાનાંની ચિમનીનો ધૂમાડો, રૂંધી નાખશે માનવીનાં શ્વાસ...ચેતી જજો!
માંડ માસ્કથી છૂટ્યા છો, ભૂલી ન જતાં કોરોનાનો ત્રાસ...ચેતી જજો!
ઓછાં ખડકજો કોંક્રિટ તણાં જંગલો હે માનવો!
ધરતી પર જગ્યા રાખી ઊગવા દેજો લીલું ઘાસ..ચેતી જજો!
ઓછી કરજો નદીને, મલિન ઓ લોકો તમે,
પાપ ધોવાનાં નામે ન કરજો જળનો હ્રાસ...ચેતી જજો!
બસ કરજો હવે, પ્રદુષિત કરવાનું પૃથ્વીને,
અબોલ જીવ સૃષ્ટિનો કરજો ન વિનાશ...ચેતી જજો!
એક વૃક્ષ વાવવાની, 'ઝંખના' રાખજો ઉછેરવાની,
બેફામ કરી ચૂક્યાં છો લીલાં જંગલોનો નાશ..ચેતી જજો!
જાગૃતિ, 'ઝંખના મીરાં'