હું છું રાધા!
હું છું રાધા, તારી વાંસળી મહીં સૂરની;
તું છે મારો કાન જેના વિરહમાં હું ઝૂરતી.
બેઠીતી કદંબની ઝાડે તારા ચરણોની પાસે;
આજે નથી એ ઝાડને નથી ચરણો ચોપાસે.
વનરાવનનાં વૃક્ષો વચ્ચે એ રાસલીલા મધરાતે;
નથી જોયો ક્યારેય ચાંદ પછી પુનમની મધરાતે.
યમુનાજીનાં કાંઠે જે'દિ ચોર્યાતાં ગોપીઓનાં ચીર;
આજે ગોપીઓનાં ચીર,ચોર નથી ચોરતો લગીર.
તારી લિલાઓ પૂરી કરવા તે મને છોડી મજધારે;
જયાં છે કાનો ત્યાં છે રાધા ,બસ એજ મજધારે.
-દિનેશ બામણિયા.
