अस्तित्व
*आठवांचा पाझर*
मी अजूनही तुझ्याच आठवात दंगतो
बेजार , प्रीतभावनांनाही कुरवाळीतो...
मिटलेल्या पापणीतही अस्तित्व तुझे
तरीही , साऱ्या चराचरी तुला शोधितो...
गुलाब ,जाईजुई ,बकुळ ,मोगरा चाफा
तुझ्याच स्मृतीतुनी ,अजूनही दरवळतो...
सृष्टीत साऱ्या हिरवळलेले चैतन्य तुझे
पाहता , भावनांचा बहार उमाळून येतो...
निर्झर ,तुझ्या अवखळ ओल्या स्मृतींचा
या माझ्या भाबड्या अंतरातुनी पाझरतो...
आज सामोरी झाकोळलेले हे नभांगण
तरीही , मी तुझ्याच आठवासंगे जगतो...
〰️〰️〰️〰️〰️〰️〰️〰️〰️
*रचना क्र. १७ / ७ - ६ - २०२२*
*©️ वि.ग.सातपुते ( भावकवी )*
*???? ( 9766544908 )*
