પારેવું
પેલા પારેવાંને પોંખ્યું
રે આજ,મે તો
પેલાં પારેવાં ને પોંખ્યુ
છોડી દઇ માળો એ
આવ્યું મુજ આંગણે
તેની આંખમાં બ્રહ્માંડ
ને મેં જોખ્યું
રે આજ મેં તો. . . . .
કલરવ કરતું એ તો
ક્યાંય – ક્યાંય ઉડે
ને ચણતું ચણ!
છે ચાંચ જ્યારે બોખ્યું
રે આજ મેં તો. . . . .
ઉગતાં સૂરજની સાથ
ઉઠ્યું પહોરમાં
શું પાંખ માંહે
દિશા ચક્ર ગોખ્યું !
રે આજ મેં તો. . . . .
થોડું ચણ ચાંચમાં
લઇને ફરી આવ્યું
કે મારું બચ્ચું થયું
હશેને ભુખ્યું ?
રે આજ મેં તો. . . . .
ના કોઇ ચિંતા કે ના ચાલાકી
તેં એ કર્યું જે, વિધાતાએ લખ્યું
રે આજ મેં તો. . . . .
પેલા પારેવાંને પોંખ્યું!
રે આજ,મે તો
પેલાં પારેવાં ને પોંખ્યુ
