वेडी आशा
*वेडी आशा*
***********
रात्र काजळी काळोखाची
मी अव्याहत चालतो आहे
रात्रीच्याच किर्र रंगमहाली
मीच प्रकाशा शोधित आहे
बंद लोचनी , नक्षत्र चांदणे
मी , अलवार वेचितो आहे
अधिर ही , व्याकुळ स्पंदने
शब्दातुनी मी गुंफितो आहे
आसमंत हे सारेच भारलेले
सर्वत्र तुझेच प्रतिबिंब आहे
हा जीवही तुझ्याच प्रतिक्षेत
बघ अजुनही थांबलेला आहे
जे जे घडले , ते ते घडून गेले
तरी , वेडी आशा जागते आहे
**********************
*रचना क्र . १४९ / ९ - ६ - २०२२*
*©️ वि.ग.सातपुते.( भावकवी )*
*????( 9766544908)*
