ઓ દોસ્ત...
નથી પૈસા ખિસ્સે ચાર
તારો મળ્યો છે સાથ યાર
શબ્દસફરથી લટાર - તો મારી જ લઈશ
નથી પીતો ચા કે સિગાર
સંગ તુજ કરવા સમય પસાર
કિટલી પર સાભાર - તો મળી જ રહીશ
નથી ડિલથી દમદાર
ઝઘડામાં તારી હારોહાર
થોડું મારી વધુ માર - તો સહી જ લઈશ
નથી દીદારમાં ભલીવાર
એટલે જ ચાલાકીથી યાર
તુજ સાપેક્ષ નીચા વિકલ્પનો હાર - તો પહેરી જ લઈશ
નથી શ્રેષ્ઠ સમજાવનાર
પણ તારા દુ:ખમાં વારંવાર
સંગ તારી રડનાર - તો બની જ રહીશ
નથી મોટો કલાકાર
પણ તું જો મળ્યો છે દિલદાર
આજીવન દોસ્તનો કિરદાર - તો ભજવી જ લઈશ
-હિતેષ પાટડીયા, તા.૧૫/૧૨/૨૦૨૦
