श्रावणसरी
श्रावणसरी
रिमझिम वर्षती
श्रावणधारा,
फुलविसी मयुरा
रम्य पिसारा।
स्वर्गातिल जणु
अमृतधारा,
वर्षती अवनी
वरती गारा।
निसर्ग मग तो
पहा हासतो,
वृक्षततींना
झुलवी वारा।
रम्य जगी हे रुप आगळे
सुरम्यसुंदर जगावेगळे,
अखिल जगामधी एकची
नारा
रिमझिम वर्षती श्रावणधारा
श्रावणसरी या नितांतसुंदर
दृश्य तयांचे किती मनोहर,
हरिततृणांनी सजवित वाटा
शंकर प्रकटे जणु भूमीवर ।
रम्यदिवस तो आला ऋतुंचा
श्रावणसरी जणु वर्णिती साचा
नर्तनकरी बघ अवनी अवघी
चमत्कार हा जणु दिव्यत्वाचा
©️ डाॅ.श्रीकांत औटी
नेवासा
