स्त्री
*आई ,बहीण,मैत्रीण ,बायको ,मुलगी ह्यांना समर्पित - "ती"ला समर्पित*
ती एक समर्पण,ती एक शक्ती
जन्म देणारी ती नारायणी,
मरण यातना सोसून ती देते जन्म
तिच्या मुळेच मिळतो आयुष्याला *गर्भित* अर्थ।
घालते ती जखमेवर फुंकर हळूवार,
निराधारांचा ही बनते आधार
ती प्रगती चा ध्यास ,ती ध्येयाची आस,
देते ती पदोपदी जगण्याला विश्वास ।
ती हातात गुंफलेला हाथ
ती देते जन्मो जन्मीची साथ,
सामावते सर्वात दुधातल्या साखरे सारखी
विसरून स्वतःला अशी *अर्धांगिनी* ।
ती एक नाजूक कळी
ती सुगंधित असं फुल,
ती आणते चेहऱ्या वर हसू
पाहून तिला हरवतात डोळ्यातील आसू ।
ती शालीन, ती सहनशील
ती प्रेमाचा सागर ,
शांत नि सौम्य अशी ती कामधेनू
तिच्या मुळे आयुष्य जणु इंद्रधनु ।