શિક્ષક
કાવ્ય - શિક્ષક
' અ ' થી ' જ્ઞ ' સુધી,
' A ' થી ' Z ' સુધી
જ્ઞાનદીપ જલાવે શિક્ષક.
' એકડા ' થી ' અનંત ' સુધી,
' અપૂર્ણ ' થી ' પૂર્ણ ' સુધી,
ગણન કરાવે શિક્ષક.
' માટી ' થી ' પાટી ' સુધી,
' કાગળ ' થી ' કલમ ' સુધી,
કેળવણી આપે શિક્ષક.
' ધરા ' થી ' આભ ' સુધી,
' ઘર ' થી ' જગ ' સુધી,
સફર કરાવે શિક્ષક.
' સાગર ' થી ' પહાડ ' સુધી,
' શ્વાસ ' થી ' વિશ્વાસ ' સુધી,
રાહ ચીંધે શિક્ષક.
' મૌન ' થી ' વાચા ' સુધી,
' સહકાર ' થી ' સંસ્કાર ' સુધી,
ઘડતર કરે શિક્ષક.
' કોશિશ ' થી ' કામયાબી ' સુધી,
' પ્રેરણા ' થી ' ઉડાન' સુધી,
ભોમિયો બને શિક્ષક.
હનિફ એ. મેમણ (રાજ) ડીસા