સપ્ત સ્નેહ ઝરણ
'ચિંતા ન કર' એ ધરપતની પિતાની નજરમાં ભાવના, એ છે પ્રેમનું ઝરણું.
'હું છું ને' એ ખાત્રીની માની નજરમાં સાંત્વના, એ છે પ્રેમનું ઝરણું.
રાખડી સાથે આપ્યું વીરાએ, મુજ રક્ષાનું વચન,
જવ-તલ હોમી જેણે કરી સદા શુભમંગલ કામના, એ છે પ્રેમનું ઝરણું.
લાલ સિંદૂર પૂરીને જેણે, લાવી જીવનમાં હરિયાળી,
કાળા મોતીની સેરથી, જેણે બાંધી મુજ સંગ ચાહના, એ છે પ્રેમનું ઝરણું.
હાસ્ય પાછળનું દર્દ કળી, દોસ્તોએ જાળવી લાગણી,
હારું ત્યારે ઊભી કરી, બતાવી જીતની સંભાવના, એ છે પ્રેમનું ઝરણું.
એક અદ્રશ્ય, અદભૂત શક્તિએ, આપી મને કલમ,
જેનાં થકી પામી 'મીરાં', અડગ, અપ્રતિમ 'ઝંખના', એ છે પ્રેમનું ઝરણું.
જાગૃતિ, 'ઝંખના મીરાં'..
