गुगलदादा झूमदादा
गुगल दादा झूम दादा
खूप तुमचे आभार
तुम्ही दिला आम्हा
ऑनलाइन चा आधार||1||
सगळेच होते बंद
शिक्षण ऑनलाईन
आम्हीही मंग झालो
मीटिंगमध्ये जॉईन|2||
मॅडम आणि सर
स्क्रीन वरती आले
त्यांना पाहून आमचे
मन प्रसन्न झाले||3||
हळूहळू विषयाचा
रंगू लागला तास
तयार होऊन आम्ही
बसू लागलो खास||4||
मीटिंग जॉईन करता
शाळा भरली मोठी
स्क्रीन माईक ऍडमिट
शब्द आले ओठी||5||
गजबजलेल्या वर्गाची
सर नाही येणार
तरीही तुमचे महत्त्व
कमी नाही होणार||6||
कवी प्रदीप कासुर्डे
घणसोली नवी मुंबई