વતનપ્રેમ
છે ખુદામાં યકીન ને હૈયામાં વફાઇ ધરાવું છું,
દેશની માટી કાજ જાન હથેળી પર રાખું છું.
મજહબી ચશ્માથી ન કરો મુજ પર શક,
દેશવાસી છું, હૃદયમાં હિન્દુસ્તાન રાખું છું.
કરું છું ઈબાદત ને મળી ઈમાનની બુનિયાદ,
બંદગી - દુઆઓમાં વતનની આબાદી માગું છું.
હિન્દુ- મુસ્લિમની એકતાએ કર્યો દેશ આઝાદ,
આઝાદ દેશમાં હર માનવની સુખ,સમૃદ્ધિ ચાહું છું.
તિરંગો છે મારી શાન અને દેશ પ્રત્યે છે માન,
વિશ્વફલક પર દેશ રહે આગળ એ જ આશા રાખું છું.
વિવિધતામાં છે એકતા એનું છે અભિમાન 'રાજ',
માનવી થઈ માનવીને ભાઈચારાનો સંદેશ આપું છું.
*✍️. હનિફ એ. મેમણ (રાજ) ડીસા..*