સૂતા નાગ
સૂતા નાગ
---------
કવિ:- જગદીશ રથવી (સ્નેહબંસી)
સૂતા નાગ ન જગાડો મારા વ્હાલમા,
સૂતા નાગ તો સૂતા જ સારા,
હળવેકથી હાથ ન અડાડો મારા વ્હાલમા,
અડ્યા હાથ તો આઘા જ સારા,
નથી કોઈ કાન કે નથી ગોપ મારા વ્હાલમા,
નથી કાલીંન્દીનો ધરો કે નથી ગેડીદડા,
મૂંછ મરડી ન જગાડો મારા વ્હાલમા,
મૂંછાળા તો મૂંગા જ સારા,
નથી નાગણો કે નથી હીરાના હાર મારા વ્હાલમા,
નથી વિલાપ કરનાર કે નથી કરજોડનારા,
વિષધરને વખ છોડાવો મારા વ્હાલા,
વખડાં તો છૂટ્યાં જ સારાં,
નથી ગોપીઓ કે નથી જશોદા મૈયા મારા વ્હાલમા,
નથી કુંજગલીઓ કે નથી યમુનાના આરા,
રાસ રમવાનું છોડો મારા વ્હાલમા,
રાસડા તો જુદા જ સારા,
