।। नमस्कार माझा महाराष्ट्रभूला ।। डॉ. चन्द्रहास शास्त्री सोनपेठकर
।। नमस्कार माझा महाराष्ट्रभूला ।।
(वृत्त: भुजंगप्रयात)
कवी: डॉ. चन्द्रहास शास्त्री सोनपेठकर
इथे थोर राजे तसे थोर संत
सुभक्ती सुशक्ती निराळीच माती ।
इथे आसमंती निनादे मृदंग
नमस्कार माझा महाराष्ट्रभूला ।।
इथे ज्ञान विज्ञानरूपी पताका
इथे दिव्य ओव्या नि गाथा नि दिंड्या ।
इथे पेटती संक्रमाच्या मशाली
नमस्कार माझा महाराष्ट्रभूला ।।
इथे देव जाते दळायास येई
इथे देव पाणी भरायास येई ।
इथे देव लेकूरवाळाचि होई
नमस्कार माझा महाराष्ट्रभूला ।।
मराठीत बोला मराठीस वंदा
मनी मान ठेवा भगव्या ध्वजाचा ।
कवी चंद्रहासां सदा वंद्य माता
नमस्कार माझा महाराष्ट्रभूला ।।
कवी: डॉ. चन्द्रहास शास्त्री सोनपेठकर