अवकायी पाऊस
अवकायी पाऊस
वाट लावली पाण्यान
अवकाळी येऊनिया
रायल-सुयल पिकं
मातीमोल रं झालं या
सार्याच्या मनी रं बद्दी
तुव्हा बी तेच केल या
रायल-सुयल पिकं
मातीमोल रं झालं या
वायल्या कापसावर
गारपिट आणल या
रायल-सुयल पिकं
मातीमोल रं झालं या
बिना रं बलावल्यान
तू पावना बनलाया
रायल-सुयल पिकं
मातीमोल रं झालं या
फाशिचा दोर तुव्हा
कसा पुन्हा गुफलाया
रायल-सुयल पिकं
मातीमोल रं झालं या
अमदाच्या रं सालाच
बजट ढासळलं या
रायल-सुयल पिकं
मातीमोल रं झालं या
संसाराचा माह्या कसा
बट्याबोळ रं केला या
रायल-सुयल पिकं
मातीमोल रं झालं या
रायला ना वाली कोणी
हे जहर पाजल या
रायल-सुयल पिकं
मातीमोल रं झालं या
सौ. छाया हरिभाऊ राडे
वर्धा
