કોઈ કહેવાનું જાણે છે !
કોઈ કહેવાનું જાણે છે,
તો કોઈ ચૂપ રહેવાનું જાણે છે ;
કોઈ પ્રેમની પાંખોથી આકાશને માણે છે,
કોઈ દિલનાં જખમ સહેવાનું જાણે છે.
કોઈ આપણી વાતો કેમ જાણે છાની?
વાંચે નહિ આંખો ને પાંપણથી લ્યે પિછાણી ?
આ તો ભારે ગજબ કહેવાય નહિ!
કોઈ પાંપણનાં પલકારે રહેવાનું જાણે છે.
અધૂરી નથી રાખવી આ કહાની મારે,
વારે વારે કોણ વધુ વિચારે?
બંધન શાને રાખવા કહાનીને કિતાબોનાં,
એ તો વાયરા સાથે વહેવાનું જાણે છે.