वेळ हा लागतोच
लोणचं असो व मैत्री
मुरायला वेळ हा लागतोच ।
भात असो वा वृत्ती
दाबायला वेळ हा लागतोच।
वरण असो वा कढी
उकळून स्वाद यायला वेळ हा लागतोच ।
आचार असो वा विचार
अंगवळणी पडायला वेळ हा लागतोच ।
सून असो वा जावई
प्रपंचात रुळायला वेळ हा लागतोच ।
मान असो वा अहंकार
जिरायला वेळ हा लागतोच।
मन असो वा विचार
जुळायला वेळ हा लागतोच।
मंत्र असो व तंत्र
समजायला वेळ हा लागतोच।
पसारा असो वा मन
आवरायला सावरायला वेळ हा लागतोच।
लोणी असो वा भक्ति
घुसळून वर यायला वेळ हा लागतोच।