बाप्पाचे आगमन...

चांगले वाईट;

हे शब्द आहेत, 

वाईटातून चांगला बोध;

घेणार्‍याचा शोध आहे.

माझे आगमन होत आहे,

पुन्हा एकदा मनोभावे;

आमंत्रण मी स्वीकारत आहे;

आमंत्रण मी स्वीकारत आहे.

नका करू गजरात स्वागत;

पण DJ लावू नका रे;

सणासुदीचा आनंद,

मोजू नका पैशात रे.

दिखावा पाहिजे;

ही मोठी समस्या आहे,

सगळे मिळून सेवा करा;

तिच पोचपावती आहे. 

गोजिरवाण्या भक्ताचा;

नका करू जाळ,

मिळू दे मलापण;

थोडा मोकळा काळ.

सगळेच छोटे मोठे;

आहेत मला खास,

भेटून घेऊ दे मला सार्‍यांना;

इतकीच मनी आस. 

तुमचा सगळा देखावा; 

मला परागंदा करतोय,

आरतीच्या गर्दीत हरवलेला; 

माझा भक्त मी शोधतोय.

यावर्षी तरी थोडे,

तुम्ही साजेसे वागाल,

मीपण सोडून, 

माझ्या आरतीला याल.

नाही मला अपेक्षा;

कुठल्याही गोष्टीची,

माझा आशीर्वाद;

तुमच्यातील माणुसकी. 

Il गणपती बाप्पा मोरया ll

सौ. चंद्रलेखा धैर्यशील जगदाळे.

जयसिंगपूर