સ્મૃતિમાં સંઘરાયેલી મીઠી યાદો
સ્મૃતિમાં સંઘરાયેલી વ્હાલીની મીઠી યાદો
"꧁༒ •••° ☀ °•••༒꧂
અવકાશ જ નહીં મળે તને જરીય મારાથી દૂર રહેવાનો
હવે હક છે મને પૂરો તારી યાદોથી જ વીંટળાઈને રહેવાનો ...ધ્રુવ
જન્મોથી બન્ધાયેલ જાણે પ્રીત તારી મારી
વસમી હોય આ જુદાઈ ભલેને તારી મારી
અંતર નથી બે હૈયામાં તો હવે અંતર રાખી હું પણ નથી જીવવાનો
હવે હક છે મને પૂરો તારી યાદોથી જ વીંટળાઈને રહેવાનો..
મીઠડી મુલાકાતો ભૂતકાળની સ્મરણ કરી
ધડકન મારી હદયની રાણીના જ નામ કરી
અહેસાસ હૈયાનો ન સમજનાર આ જમાનો કાંઈ નથી કહેવાનો.
હવે હક છે મને પૂરો તારી યાદોથી જ વીંટળાઈને રહેવાનો.
ઠંડી લહેરો પહોંચાડશે પ્રેમ તુજ હૈયામાં
પાવન પ્રેમની વહેશે સરિતા તુંજ હૈયામાં
માણી સ્પર્શ તારો હું દૂરથી અઢળક પ્રેમ તને કરતો જ રહેવાનો
હવે હક છે મને પૂરો તારી યાદોથી જ વીંટળાઈને રહેવાનો.
શુદ્ધ પ્રેમનાં શબ્દોને સમજે નહીં કોઈ ભલે
ઘાયલ હદયની પીડા ઘાયલને જ સમજ પડે
"રાજ' હદયમાં તવ પ્રેમનો સાગર સદાય ઘૂઘવતો જ રહેવાનો.
અવકાશ જ નહીં મળે તને જરીય મારાથી દૂર રહેવાનો
હવે હક છે મને પૂરો તારી યાદોથી જ વીંટળાઈને રહેવાનો ..
"꧁༒ •••° ⛳ °•••༒꧂