જીવનસાથી
*જીવનસાથી*
"જીવનનાં તડકા છાંયડામાં વૃક્ષ બની જાય,"
"ઘોર અંધકારમાં દીપ પ્રગટાવી જાય,"
એ જીવનસાથી..
"જીવંત લહેરોમાં આંખોનાં સ્વપ્નબિંદુ બની જાય,"
"આંખોનાં પલકારે સ્વપ્નમાં જંજોડી જાય,"
એ જીવનસાથી....
"સ્વપ્નરૂપી સીડીમાં પા પા પગલી ભરતો જાય,"
"પ્રેમરંગનાં તીરથી હ્રદયને વિંધી જાય,"
એ જીવનસાથી......
"હ્રદયનાં સેતુથી ભવ સાગર પાર કરાવી જાય,"
"પ્રીતને પાલવડે જીવન મહેકાવી જાય,"
એ જીવનસાથી.....
"વિખુટા પડવાનાં આભાસથી ધબકારો ચૂકી જાય,"
"સતત સાથે હોવાનો અહેસાસ કરાવી જાય"
એ જીવનસાથી
"સપ્તપદીનાં વચનોરૂપી માળામાં પરોવાઇ જાય,
જીવનનૈયા થી મૃત્યુશૈયા સુધી સાથ નિભાવી જાય,"
એ જીવનસાથી.....
"જેનાં વિશે લખતાં શબ્દ કોષમાં શબ્દ ખુટી જાય,"
"નિયતી"ની કલમથી શબ્દો આપોઆપ કંડારાય જાય",
એ જીવનસાથી.....
જીજ્ઞા કપુરિયા "નિયતી"
24/2/2020
