चिऊताई चिऊताई
चिऊताई चिऊताई
चिऊताई चिऊताई
का गं ही घाई?
वेळ झाली शाळेची
पोरं शाळेत जाई--
चिऊताई चिऊताई
तुझं घर गं कसं?
अरे मेल्या घर माझं
देवाजीचं देऊळ जसं--
चिऊताई चिऊताई
तुझी पोरं गं कशी?
राम अन लक्ष्मण
घट्ट जोडी रं जशी--
चिऊताई चिऊताई
तुझा नवरा कसा?
जोडीदार माझा
मायाळू प्रेमळ जसा--
चिऊताई चिऊताई
तूझा संसार कसा?
देवाजीची कृपा
देई भरून पसा--
चिऊताई चिऊताई
माणूस कसा गं वाटे?
त्याचे अन आपले
जन्माजन्माचे नाते--
कवी प्रदीप कासुर्डे
नवी मुंबई