દે ન દે..!
મરવા માટે ખુદા ફરી, કોઈ લાગ દે ન દે!
આ લાશ ને મારી વળી, કોઈ આગ દે ન દે!
આટલી મોટી ભલે, ધરા છે વિસ્તરેલી,
દફન થવા મને ટૂકડો, કોઈ ભાગ દે ન દે!
જન્નત તરફ જવાનો, રસ્તો ખબર નથી ને,
આંગળી ચીંધી જરાક, કોઈ તાગ દે ન દે!
સીધી રાહે સરળ થઇ, ધરી'તી બસ સબર,
ખુદા તલક પહોચવા, કોઈ સુરાગ દે ન દે!
આ જિંદગીનું ચિત્ર છે, સફેદ કાગળ સમ,
કલમ સુદ્ધાં રિસાયને, કોઈ અનુરાગ દે ન દે!
મૌનની આગોશમાં, શબ્દો ભલે ને તરફડે,
સ્વર શાંત, સ્તબ્ધ સમયને, કોઈ રાગ દે ન દે!
મેં એટલે મારી મને, જન્માવી એક 'મીરાં'
અનાથ 'ઝંખના'ને હવે, કોઈ ચાગ દે ન દે!
©️ જાગૃતિ, 'ઝંખના મીરાં'...