શબ્દ
શબ્દ
પ્રભુ પ્રાર્થનામાં નમ્ર છે શબ્દ,
શૌર્યની તલવારે વજ્ છે શબ્દ.
ચર્ચાના સંવાદે જિક્ર છે શબ્દ ,
કુદરતના ખોળે વક્ર છે શબ્દ.
પૃથ્વીના પેટાળે ઉગ્ર છે શબ્દ ,
જન્મો જનમ ફરતો ચક્ર છે શબ્દ.
ડુંગરે ડુંગરે ભમતો ભ્રમ છે શબ્દ,
ગગને વિહરતો મર્મ છે શબ્દ.
દરિયામાં છુપાયેલો અર્ક છે શબ્દ ,
વિચારોના વમળે તર્ક છે શબ્દ.
બોલીમાં બોલાતો અર્થ છે શબ્દ,
દરેક વિવાદોમાં ખર્ચ છે શબ્દ.
ઝરણાના સંગીતમાં મગ્ન છે શબ્દ ,
સ્મશાનની રાખમાં ભગ્ન છે શબ્દ.
અનુભવોના પાંદડે વર્ણ છે શબ્દ,
સૃષ્ટિમાં કણે કણમાં કર્ણ છે શબ્દ.
nikymalay
