''કોરોના''
''કોરોના''
ઇતિહાસના પાને એક કાળો કાળ રચાશે,
કાળા અક્ષરે ''કોરોના''ની વસમી આ જંજાળ લખાશે.
દિલ-દીમાગથી સજ્જ થઈ, નહીં કરો જો સામનો,
પારકું હોય કે પોતાનું દરેક જીવની ફક્ત યાદ મુકાશે.
નાથવો જ છે એ રાક્ષસને, પણ કેમ હિંમત હારે તું,
અભણ રહે ઘરમાં, ભણ્યાંને ફરતાં ભાળે તું.
સમજાય છે એક દર્દ અસહ્ય, જેમાં તું ધીમે ધીમે ખૂંપાય છે,
નરી આંખે બાળ તારા પોતાની જ મુર્ખાઇએ ચૂંથાય છે.
લાચાર છે આ આંખો મારી, શાને આ દૃશ્ય રચાય છે,
હસતા-બોલતાં હોઠે મારા શાને આ ચુપ્પી સધાય છે.
ભૂલ હોય એકની ને જોડે 100 ને લેતા જાય છે,
સભ્ય આ સમાજમાં મગજ નેવે મુકાય છે.
જીવતાના સો સંસાર, મડદાંનો ભાવ કયાં પુછાય છે ?
તોય લોકડાઉનની અસર લોકોને ક્યાં વર્તાય છે ?
હશે શું મજબૂરી, કે છપ્પનની છાતી પણ ચિરાય છે !
''આપણે શું ?'' ના વાહિયાત વિચારે ક્રિકેટ-સટ્ટા રમાય છે.
પોતીકું એક આપણું જો મુકશે એનો શ્વાસ,
મોડા-મોડા સમજાશે જ્યારે નહીં બચે કોઈ આશ.
એકજૂથ થવાનો હવે આપણો વારો છે,Nidhi
સામ, દામ, દંડ, ભેદથી પણ આગળ આપણો નારો છે.
હથિયાર વગરના આ યુદ્ધમાં જીતવાનો હજુ અવસર છે,
ઘરમાં જ રહીને બનો સિપાહી પ્રયોગ આ બહુ નવતર છે.
પોલીસ હોય કે ડોક્ટર, આજે ભગવાન સમાંતર પૂજાય છે,
કરી ના શકો જો જાતનું જતન, ત્યારે આ દેશ દુભાય છે.
હાથ જોડી વિનવું આપને, સાથ-સહકાર જો હોય સંગાથ,
કોરોનાના બાપને પણ ભગાડશું એવો રાખીએ વિશ્વાસ.