માણસ
કુદરતની ભાષા, ક્યાં સમજે છે માણસ ?
"કોરોનાનાં કહેર"થી, ક્યાં ડરે છે માણસ ?
ઘરમાં રહેવા માટે, સમજાવે છે સરકાર ;
છત્તાં હજુ, ક્યાં માને છે માણસ ?
કોરોનાએ, કેટલાંયને લીધાં ભરડામાં ;
છત્તાં અવળ-ચંડાઈ, ક્યાં છોડે છે માણસ ?
પોતાના પરિવારની, સલામતી સૌ ઈચ્છે ;
છત્તાં નિયમોનું પાલન, ક્યાં કરે છે માણસ ?
સૌને ભલે, વહાલો હોય પોતાનો જીવ ;
છત્તાં ઘરમાં, ક્યાં બેસી રહે છે માણસ ?
પામવો છે, સૌએ વિજય કોરોના પર ;
છત્તાં સાવચેતી, ક્યાં રાખે છે માણસ ?
પ્રીતિ શાહ ("અમી-પ્રીત")
