ઇન્તજાર..✍️,,
इंतेजार क्या है ?
ભર ઉનાળે તડકે જળ માટે તરસતી એ અવનિને પૂછો,
સૂર્યના આગમન બાદ પળ પળ તડપડી એ ચાંદનીને પુછો,
વાયુ વેગે મિલન કાજે ઘસી આવતા એ ઝરણાને પૂછો,
બીજ માંથી બહાર આવવા વ્યાકુળ એ તરણાને પૂછો,
ચોમાસે માળામાં એકલા જ પલળેલા એ પક્ષીઓને પૂછો,
અંધત્વ પામેલાના રંગ શોધવા મથતા એ ચક્ષુઓને પૂછો,
લીલુડા ઘાસ ચરવા ગયેલ ગાયના એ વાછરડાને પૂછો,
પાનખરમાં પર્ણથી વિખૂટા પડેલા એ વનવગડાને પૂછો,
સ્વ પ્રિયતમનો સ્પર્શ ઝંખતા ગાલો પરના એ તિલને પૂછો,
આ સઘળું લખતા કોઈની યાદમાં તડપતા મુજ દિલને પૂછો.
इंतेजार क्या है ?
..✍️,, પ્રશાંત વાઘણી ( પ્રવાઘ )
સુરત..😊🙏🏻
