જેના ભક્તિનાં રંગમાં રંગાઈ , રચી રચના ,

એવા મારા વ્હાલા શ્રીરામ છે પાલનહાર .

મહાપુરુષ સમાં વિદ્વાન ને કુકર્મોને હણનાર ,

દૃઢપ્રતિજ્ઞ , ગુણવાન શ્રીરામ છે પાલનહાર .

ભાતૃધર્મ નિભાવી , પરસ્ત્રીને માત સમ ગણનાર,  અહલ્યાંનો ઉદ્ધાર કરનાર શ્રીરામ છે પાલનહાર .

સુગ્રીવને સહાય કરનાર ને વાલીને મુક્તિ અપાવનાર ,

મર્યાદા પુરુષોત્તમ , સીતાપતિ શ્રીરામ છે પાલનહાર .

રાવણનો વધ કરી , વિભીષણને રાજ્ય સોંપનાર ,

અલંકારમંડિત , કૃતજ્ઞ શ્રીરામ છે પાલનહાર .

' પ્રાણ જાય પણ વચન ન જાય ' નાં ટેકે ટેકનાર ,

સત્યવાદી , કીર્તિમાન શ્રીરામ છે પાલનહાર .

દશરથ - કૌશલ્યાનંદન ને અયોધ્યાનાં રાજકુંવર ,

રઘુકુળ વંશના કરુણામૂર્તિ શ્રીરામ છે પાલનહાર .

સામર્થ્યશાળી , સકારાત્મક વચનનાં પંથે ચાલનાર ,

ધર્મજ્ઞ , કર્તવ્યનિષ્ઠ , વીર્યવાન શ્રીરામ છે પાલનહાર .

'રા' જ્ય સોંપી , 'મ' ર્યાદા જાળવી , 'જી' ત મેળવનાર ,

મુજ પર નિત ' કૃપા ' વરસાવનાર શ્રીરામ છે પાલનહાર.

                                            -  કૃપા દીપક સોની

                                             ( માંડવી - કરછ )