“સાથ
“સાથ"
મંઝિલ તો બહુ દૂર છે, બસ સફરમાં સાથે ચાલ તો ઘણું છે.
રસ્તો બતાવનારની કમી નથી, તું બસ રાહદારી બને તો ઘણું છે.
સુંદર તો સૌ દેખાય છે અહીં, તું બસ નજર ઝુકાવ તો ઘણું છે.
મુલાકાત તો હર કોઈ કરે છે, આપે જો એક ક્ષણ તો ઘણું છે.
ઉદારતા તો બધી આંખોમાં છે, તું બસ સ્નેહ વરસાવ તો ઘણું છે.
પસંદ તો હર કોઈ કરે છે, રાખ જો મારા પર વિશ્વાસ તો ઘણું છે.
મૃત્યુ તો એક કડવું સત્ય છે. પણ અંત સુધી મળે જો તારો સાથ તો ઘણું છે.
-વિજય શિહોરા‘સચેત'
