૭૫. જરા વિચાર કર્યો હોત તો ?
કોઇએ મને કહ્યું કે બાબુએ ચીમની ફોડી, ને સાંભળતા વેંત મારો પિત્તો ઉછળ્યો.
સાફળો ઊઠ્યો ને બાબુને બે તમાચા લગાવી દીધા.
બાબુ હેતબાઈ જ ગયો. પહેલાંતો તે કંઈ બોલે જ ન શક્યો; અને પછી તે ખૂબખૂબા રડવા લાગ્યો.
પણ મને ખબર પડી કે ચીમની તો ગઈ કાલે સાફ કરતા એની બા વડે તૂટી હતી.
મને ઘણો પસ્તાવો થયો. મેં બાબુને પાસે બોલાવ્યો ને મૂંગા મૂંગા પંપાળ્યો; બાબુ ડુસકાં ભરતો હતો; તે મારી પાસેથી દૂર ગયો અને વધારે રડ્યો.
