તું યોદ્ધા બન.
યુદ્ધમાં તું જ તારો સારથી બન,
નસીબની સામે લડનાર યોદ્ધા બન.
સદભાવની ઢાલ પહેરીને તું,
મતભેદોના તીર સામેની દીવાલ બન.
તનથી તું ભલે યુવા બન કે ન બન,
પણ વિચારોની ધારથી તું સદા યુવા બન.
ધર્મ,જાતિ,પક્ષના તિમિર સામે તું,
સત્યનો ઓજસ્વી પ્રકાશ બન.
રાજા તું બન કે ન બન,
પણ રણમાં શૂરવીર જરૂર બન.
જાળવવા આન, બાન, શાન
તું શાસ્ત્ર અને શસ્ત્રમાં ધારદાર બન.
યુદ્ધમાં તું જ તારો સારથી બન,
નસીબની સામે લડનાર યોદ્ધા બન.
-કિશન પંડયા
