કાનુડો
કાનુડો મોરપીંછ ધરે ;
યશોદાજીને વ્હાલો લાગે.
કાનુડો મટકી ફોડે ;
ગોપોઓ કજિયા કરે.
કાનુડો ત્યારે રીસાય ;
મૈયા જ્યારે ખિજાય.
યશોદાજી દોરડે બાંધે ;
કાનુડો આંસુડા પાડે.
કાનુડો વાંસળી વગાડે ;
ધેનુનાં કાન સળવળે.
કાનુડો ગિરીવર ધરે ;
ઈન્દ્રનો કોપ વધે.
કાનુડો કદમ્બની ડાળે બેસે ;
ગોપીઓનાં વસ્ત્રો ચોરે.
કાનુડો રાસ રમે ;
ગોપીઓ ઘેલી ફરે.
કાનુડો ગોકુળ છોડે ;
વ્રજ આખું રૂદન કરે.
કાનુડાની લીલા ન્યારી ;
કોઈને ના સમજાય.
