પારેવડાં
**શોપિ વર્ષોત્સવ કાવ્ય સ્પર્ધા ***
*** પારેવડાં ***
ઘૂઘૂઘૂ....ઘૂઘૂઘૂ... કરતાં ને,ગોળ ચક્કરડી ફરતાં
ઝરમરિયા વરસાદે, જોને કેવા ભીંજાય પારેવડાં ?
પાંખો ફફડાવીને ઝીલતા, પીઠ પર વાછટના ફોરલા,
ઝરમરિયા વરસાદે, જોને કેવાં ભીંજાય પારેવડાં ?
પેલો મોરલો આગેવાન થઈ,ગોઠવતો વર્તુંળે લાડકા,
ઝરમરિયા વરસાદે જોને કેવાં ભીંજાય પારેવડાં ?
ચાંચલડી રાતી રાતા પગલાં થકી છબછબિયાં કરતા
ઝરમરિયા વરસાદે જોને કેવાં ભીંજાય પારેવડાં ?
મકાઈ પડી છે ને ઘઉં પડ્યા રાતડા તોય નવ ચણતાં
ઝરમરિયા વરસાદે જોને કેવાં ભીંજાય પારેવડાં ?
બિલ્લી ને કુતરો કરડવાનો નાખ્યો છે ભય ખાડામાં
ઝરમરિયા વરસાદે જોને કેવાં ભીંજાય પારેવડાં ?
સુખેથી રમજો ડર ના રાખતા નથી કળિયુગી અમો મનેખડા
ઝરમરિયા વરસાદે જોને કેવાં ભીંજાય પારેવડાં ?
:- જય ભોલે -:
: વિજય વડનાથાણી...