નહિ જોઈએ
નહિ જોઈએ દરિયા જેટલું વ્હાલ ,
ઝાકળબિંદુ કે પ્રેમની હળવી છાલક
હશે તો ચાલશે...
નહિ જોઈએ મોહરા પહેરેલા
ચહેરાનો આડંબરી આવકાર,
બસ નિખાલસ સ્મિત
હશે તો ચાલશે..
નહિ જોઈએ પ્રેમનો દેખાવ કરતી ભીડ ,
બસ કોઈ એક દિલથી હૂંફ આપનારું
હશે તો ચાલશે...
હવે બધું જ ચાલે છે,
મતલબ, સમય અને સંજોગ પ્રમાણે,
ઈશ્વર ભક્તિ પણ ,
હવે તો ઈશ્વર પણ કહે છે...
નહિ જોઈએ કલાકોના પૂજા પાઠ ,
બસ એક ક્ષણ હૃદયથી સ્મરણની
હશે તો ચાલશે ....વિપુુુશુ....
છાયા ચૌહાણ
