નહિવત
ઉભરાવ છું તારામાં ને તારામાં જ છલકાવ છું,
છતાં કેમ પ્રેમમાં તારા હું તળિયે રહીં જાવ છું?
સંઘરાવ છું તારામાં ને તારામાં જ સચવાવ છું,
છતાં કેમ શોધમાં તારી હું જાતને ભૂલી જાવ છું?
ગુણાવું છું તારાથી ને તારામાં જ ઉમેરાવ છું,
છતાં કેમ બાદ કરતા તને, હું શૂન્ય બની જાવ છું?
પરોવાવું છું તારામાં ને તારામાં જ જળવાવ છું,
છતાં કેમ અંતમાં હું વેરણછેરણ રહી જાવ છું?
હરખાવું છું તારા લીધે ને તારા લીધે જ મલકાવ છું,
છતાં કેમ તારા ઉના આંસુઓમાં વહી જાવ છું?
દેખાવ છું તારામાં ને તારાથી જ ઓળખાવ છું,
છતાં કેમ અસ્તિત્વમાં તારા હું નહિવત જણાવ છું?
આતેકા વલીઉલ્લા
