વરસાદી સાંજ
આજે આ વરસાદી સાંજે મેં સતત તને ઝંખ્યો છે.
આમ તો, ઘણી વરસાદી સાંજે મેં;
સુંદર ક્ષણોને માણી છે, ભીંજાઈ પણ છું.
ધોધમાર મુશળધાર પ્રેમમાં, તેં મને તરબોળ કરી છે પણ;
તું મારી પાસે નથી ત્યારે, તારા હિલોળા લેતી પ્રેમની ઝંખના;
મનની ઊંડાઈએથી પિયુ પિયુ પોકારી, રસ્તો તાકી રહી છે.
ધીમે-ધીમે વરસતા વરસાદના ફોરાં મારી અંદર આવી જાય છે;
છતાં હું તો કોરીકટ! તારો એક સ્પર્શ તરસ બની રહી જાય છે.
ક્યારે આવશે તું ? મને પ્રતિક્ષા છે તારી;
જોજે હો, વરસાદ બધું જળબંબાકાળકરી ને એમજ ન વહી જાય.
આજે મેઘધનુષમાં મે તારો ચહેરો જોયો ;
અરે! તારો પગરવ પણ સંભળાયો, પાણી ના છમ છમ કરતાં સંગીતમાં.
હવે, તું આવે એટલે ભીંજાઈએ, હું તું અને આ વરસાદી સાંજ.
******** ******* ******* *******
