જીદ રાખી છે.
જીવનને સારી રીતે ગાળવાની જીદ રાખી છે;
હંમેશાં સતના રસ્તે ચાલવાની જીદ રાખી છે.
કદી ના જિંદગીમાં હારવાની જીદ રાખી છે;
ગમે તેવા સમયમાં જીતવાની જીદ રાખી છે.
ખબર છે આપવાથી પ્રેમ વધશે સો ગણો એથી;
અહમ નેવે મૂકીને ચાહવાની જીદ રાખી છે.
ભલેને લાખ મુશ્કેલી હવે એક સામટી આવે;
છતાંયે મેં તો મંઝિલ પામવાની જીદ રાખી છે.
હૃદયને ઠેસ પહોંચાડી છે કાયમ દોસ્તો તેથી;
બધી પીડાને ફાંસી આપવાની જીદ રાખી છે.
- ઉમેશ તામસે 'ધબકાર',
વ્યારા (તાપી)
