જો તું સાંભળે તો!!
કહેવું ઘણું છે, જો તું સાંભળે તો;
મારા મૌન ને, જો તું સમજે તો!
આંખોમાં મારી પણ, લાગણીઓ ઘણી છે;
મારી આંખો ને, જો તું વાંચી શકે તો!
નથી કહેતો કદી પણ, મારાં મન ની વાત;
પ્રેમ કરૂં છું તને જ, જો તું મહેસુસ કરી શકે તો!
રડવું છે ખુબજ, તારાં ખોળામાં માથું રાખી ને;
તારાં આલિંગનમાં, જો તું મને છુપાવી શકે તો!
પુરુષ છું, રડી નાં શકું;
લાગણીઓ ને જતાવી ના શકું;
બહાર નીકળવું છે, એ માનસિકતા માંથી,
હાથ મારો પકડી ને, જો તું બહાર લાવી શકે તો!
ગમે છે મને પણ, નાના બાળક જેવું બનવું;
મારાં બાળપણ ને, જો તું સાચવી શકે તો!
કહેવું છે એ બધું આજ, છુપાવેલું છે દિલમાં જે;
બસ! જો તું સાંભળીને, મને સંભાળી શકે તો!
©✍️- ખ્યાતિ સોની" લાડુ"
૧૦/૧૨/૨૦૨૦
