મારા બાપુજી
મારા હૃદિયાના રામ મારા બાપુજી હતા.
મારા હૈયા કેરી એ હામ હતા,
મારા હૃદિયાના રામ મારા બાપુજી હતા.
મારા અંતરની એ ઉજાસ હતા,
મારા ઘર તણા બાગની સુવાસ હતા...
મારા હૃદિયાના રામ મારા બાપુજી હતા.
મારા હાથ કેરી એ હિંમત હતા,
મારા વિચારોના એ વમળ હતા...
મારા હૃદિયાના રામ મારા બાપુજી હતા.
મારા દુઃખડામાં એ દિલાસો હતા,
મારા સુખડાની એ છાંવ હતા...
મારા હૃદિયાના રામ મારા બાપુજી હતા.
મારા દેહ તણો એ આધાર હતા,
મારા જીવનનો એ સાર હતા...
મારા હૃદિયાના રામ મારા બાપુજી હતા.