તારી યાદો
કેવી લાગે એક વખતની તારી યાદો મીઠી મીઠી,
એ યાદોની હારમાળામાં આ મન છે દુખી દુખી,
થઈ અદ્રશ્ય જાણે ચંદ્ર ખોવાય અમાસની રાતે,
મનડું છે ઉદાસ ને જીંદગી લાગે છે રૂખી રૂખી,
તારી વાતોનો પટારો એ કેવો રુડો કાલો ઘેલો,
સરકે ના સમય ને ઘડીઓ લાગે છે તીખી તીખી,
મુલાકાતોનું સ્મરણ એજ સથવારો અત્યારે,
તને બંધ આંખે માણી રહ્યો છું ઝાંખી ઝાંખી,
મોટો રાક્ષસ બની ઉભો આ પર્વત એકલતાનો,
થઈ જાય મિલન તો પળ બને છે સુખી સુખી,
- મિલન આંટાળા (સુરત)
@milan_poetry_lover