કયાંક...
ક્યાંક....
કશીક સજાવટ કરવામાં કયાંક વાર લાગી;
કશીક બનાવટ કરવામાં ક્યાંક હાર લાગી...!
વરસેલો ધોધમાર વરસાદ વધાવી રહ્યા,
એની રમઝટ રમવામાં જ ક્યાંક ધાર લાગી...!
ખીલેલા ફૂલોએ બીછાવી રાખી'તી જોને જાજમ,
હવે અત્તર નીચોવી લેવામાં કયાંક માર લાગી...!
વહેવાર આજ તો ઘણો અજબનો બની રહ્યો,
સ્નેહ સમજણની સીમામાં જ ક્યાંક ઠાર લાગી...!
સગપણના સરનામાઓની લાંબી કતારમાં,
ભટકી ભૂલા પડેલા ભાવમાં ક્યાંક ખાર લાગી...!
'ફાગ' અહીં ચોમેર વણસી રહ્યું છે જીવતર,
હવે વહાલપ ભરવામાં જ ક્યાંક સાર લાગી...!
