તું આવીશ ને?
એ જે વરસાદના ટીપાં ને હથેળીમાં જીલતા
ચાની ટપરીએ પીતા જે ચા એ ફીકી લાગે છે
તારા વગર, ચા ને ફરી મીઠી બનાવવા આવીશને!!?
સાંભળ, તું મળવા આવીશને !!?
એ જે અગાસીમાં ભીંજાતા સાથે ગીત ગાતા
એ ગીતના સુર ખોવાઈ ગયા છે
એ ગીત ફરી ગણ ગણવા આવીશને!!?
સાંભળ, તું મળવા આવીશને!!?
એ જે મેઘધનુષી સમણા ઉગાડ્યા હતા આંખોમાં
એ આંસુઓના ઘોડાપુરમાં વહી ગયા છે
એ સપના અંકુરિત કરવા આવીશને!!?
સાંભળ, તું ફરી મળવા આવીશને!!?
એ જે બાલકનીમાં બેસી વરસાદમાં હોઠ પર મુસ્કાન લાવતા
એ મલકાટ હું ખોઈ બેઠી છું
એ સ્મિત પાછું લાવવા આવીશને!!?
સાંભળ, તું મળવા આવીશને!!?