તને !
કરતો નથી હું કોઈ ફરિયાદ કદી,
પણ કરું છું સદા હું યાદ તને !
સરવાળે મને તું લઈ શકતી નથી,
કરતો નથી કદી તોય હું બાદ તને !
દીઠી જે દનથી,ફૂટી વાત મીઠી,
ન વાદ છે,ન કોઈ છે વિવાદ તને !
સુણી શકે એટલી જ દૂર છે તું,
કર્યા કરું છું તેથી હું સાદ તને !
આવીશ કહીને કદી આવે નહિ,
દિલથી દઉં છું તોય હું દાદ તને !
રહેંસાઈ ગયા ભલે અરમાન બધા,
નથી કહેતો તોય હું જલ્લાદ તને !
હલાલે દિલ મારુ મુક્કદર હતું,
દોષ નથી દેતો હું,ઓ સૈયાદ તને !
અંતરમાં રહી તું ભલે અંતર રાખે,
ધરું પ્રેમની તોય હું સોગાદ તને !
વાવ સ્નેહ બેખોફ,ડરશે બરબાદી
ફસલ દિલની કરશે આબાદ તને !
આવીને જતો રહું હું રાહ જોઈને
સુજે પછી જ બધા સંવાદ તને !
ઝૂમી ઉઠેશે આ ભરત તો તરત,
મધુરો જો સુજે કોઈ નાદ તને !