देश हा भारत माझा
काश्मीर ते कन्याकुमारी
भारतभुची करता वारी ।
रंग वेगळे ढंग वेगळे
अभिमानाने फुलते स्वारी ।
हिमालयाचे उंच कपारे
तिन्ही बाजूस समुद्र किनारे ।
कुठे गारवा साद देतो
कुठे झोंबती मग उष्ण वारे ।
वाटेवरती मधेच डोंगर
जंगलातूनही दिसे शहर ।
हिरवी हिरवी झाडे इथली
करतो मोहित फुलांचा बहर ।
पूर्वापारची प्राचीन धरा
ताजमहालही हो बघा जरा ।
मंदिर मस्जिद फिरता फिरता
दिसे प्रेमाची अलग तऱ्हा ।
व्यन्जन इथले कोण कुठले
भाजी भाकर भात पिठले ।
इडली असो वा दोसा असो
चाखून सारे पोटही सुटले ।
गरीब कोणी कोणी अमीर
भेटतील इथेच खरे जिगर ।
नाती गोती जपतील सारे
माणुसकी तर मिळे अपार ।
भारत माझा देश नव्हे हा
संस्कृतीचा विशाल सागर ।
तृप्त होतो बघून सारेच
देशभक्तीचा पेटवू जागर ।
संजय रोंघे
नागपूर
मोबाईल - 8380074730
